隨筆

好多時..都想寫一下自己對社會現象的睇法觀點.但係…一個懶字..令到好多文章都閣置左落來.

今日想講一下香港既奴隸教育制度。香港既情況..以我所見..已經好嚴重,多數既人已經徹底咁被奴隸教育制度影響,以為自己畢業後,理所當然係打死一世工,返工後呢,進修..進修無錯,但係佢地係為份工..即係自己老闆黎進修。呢個出發點就完全係錯晒!

諗起有一日,我病左..拿了sickleave在家,msn 既時候..有個朋友問我..點解響屋企,我答喉嚨好痛,所以攞sickleave,佢竟然話我不是…因為我唔係用把口黎做野,應該照常返工咁話,從此事可見從少開始的奴隸訓練禍害之深。

又有個朋友..廿幾歲仔..同我講話要搏殺..佢份工係好辛苦的,要輪夜班既藍領工作,以我所見,咁樣因為份工,連進修時間都無埋,不斷咁消耗自己既身體,好似更加放棄左自己更上一層樓的機會…咁樣搏殺係唔可以長遠地增加自己競爭力的,當你老時,社會就會放棄你,咁又何苦呢。

到最近,我留意倒好多人話買樓(這裡指未財務自由的人),又追捧下D偽豪宅咁,呢D行為…簡直係笑死我…原來佢地除左同自己老闆打工外,重想同地產商、銀行打埋工…套用我在討論區看到的形容詞(為笨8-1中的笨6+1)xDDD

講真..香港D樓邊值呢個價,計我話SARS時樓價先至為合理。

D小市民就係咁,賺左D血汗錢,又比返D商家…消費再消費,手機…換完一部又一部…以為自己係享受緊…生左仔女,又一個循環既開始,哈哈!!

咁..你可能會問..咁點消除市民既奴性呢?我個人見解,唔須要主動幫助佢地。資本主義社會下,當然要有人做社會的小齒輪黎推動經濟發展,D齒輪磨損左,自然要有新既奴隸黎補上,無佢地,資本家點樣生存呢?

講咁多野,其實我都係社會巨輪中既其中一片小齒輪,但係我正努力地0係我未被磨損前脫黎呢個行列,睇緊既你?會點選擇呢?