擔心

我隻寵物珠,尋日去睇專科,醫生話佢隻耳個case好複雜,要做手術,重有失聰既危險tim…真係擔心死人…今日睇佢個blog佢都因為呢件事訓唔好,呢隻寵物珠好少咁咖嘛..
唔緊要,恒恒一定會支持你,照顧你咖!!meow~

休息是為了走更遠的路

排山倒海的一月,實在令人透不過氣來!

學車,學First Aids,練跑,閱讀,股市,年宵市場計劃…有夠忙了,還有不能忘記要陪女友和家人.

充實的生活,使我要捉緊時間,不容許自己浪費每一刻,現在我在時間上的控制是,生活娛樂要慢,對自己有益的工作或學習,一定要維持最高效率. 誰說時間會不夠用?是你不好好抓緊吧?

聽說「靜坐 」可以令一個人更集中,頭腦清晰,效率更高,有人聽說過嗎?我想試試

星期五早上考車,臨場腳震震…幸好過關了,晚上考急救,等成績.

星期六下午練跑,晚上去新德里吃咖哩..與朋友主要話題是股市,哈..話題悶死人了!再到海港城附近走走,就是喜歡尖沙咀的感覺…少一點市井在街上,耳根清靜一點.

星期日到又一城amc欣賞atonement 愛誘罪,第一次看愛情片會這麼感動!

過完這一陣忙碌的日子,休息一星期再重新上路.

愛‧誘‧罪

補上元旦日出的短片(咸蛋黃)

2008/01/08

第6次操練

今日路線係跑上山,再響山中既一條徑上跑,點之跑到廿幾分鐘時候…突然間好唔舒服…於是轉左做行.

晚上先至好返. 自從元旦露營完返黎,個背隻唔係幾妥…d肌肉好緊張咁.再過多幾日都重係咁要去睇下物理治療.

2008/01/02

第五次操練

強度:輕

今次死啦..12月中病左,停操兩星期,之後又接住元旦假…

操練進度極不樂觀,1月中排滿學車既時間,時間太少,活動太多.

元旦假期(2)

2007年的最後一天不是假期,我請了一天假以預備好心情去每年一度既除夕倒數迎日出之旅!

下午先拿一個營給七哥,收到sms from funny, 「i got sick,do not come」,大姐呀…早少少通知唔會死呀…已分配好的duty即時亂晒陣腳…就係咁,我同綸子要買埋呢位姐姐d野…

四時多第二梯隊會合於彩虹,拖著沉重的背包…到西貢市加埋成成,蜘蛛.第二梯隊全部集合搭巴士入黃石,中途收到第一隊電話,大本營已經安頓好!唔該晒~

六時多去到塔門,一踏上碼頭即晃如去到另一個世界…點解….咁..咁凍…0既…殊..殊…凍

我地在公厠入滿了水袋再沿著小路到campsite,在漆黑中我大叫…benben…七哥…,在一邊好快得到回應了,與第一隊相認了,男子漢們擁一擁,就一齊好快起好左三個營!

What’s up?Let’s eat!!!

好快大廚7哥就起好個爐頭,我地亦拿出食物,開始打邊爐啦!!哈哈!!

食呀食…晚上10時多,iao 都到埋…好快幫佢起埋營,之後再食呀食…飲飲熱茶.

11時左右回營休息一會,打nds,吹吹水再倒數…打開營帳…呼呼寒風…頭到吹到痛

凌晨時份,再次開爐飲七哥既愛心糖水配上勁勁既薑,加熱騰騰既雞翼,嘩..好溫暖呀!食完即刻衝返營取暖…真係好凍..穿上三件衫,兩條褲再加羽毛睡袋都只係arm arm好暖.寒風好唔客氣咁吹我地d營…好鬼嘈…好不容易訓了兩個鐘,6時半起床睇日出了,日出好靚,美中不足係睇唔倒想當年長咀既水平線日出.睇完再衝返營又訓過..8時多終於比陽光晒醒…食早餐!!再到島上景點遊覽下,最後乘15:05 班船回程.

是次旅程餐單總結:

1.肥牛 2.粟米 3.生菜 4.雜丸五磅 5.五香老水雞翼(早晚各一) 6.番薯芋頭糖水(早晚各一)

7.玉子豆腐  8.白蘿蔔 9.五香老水粟米 10.公仔面 11.烏冬 12.羅宋湯 13.字母雜菜湯

14.ben嫂愛心曲奇 15.塔門無冰奶茶

  

  

元旦假期(1)

廿九號晚去左katy屋企陪佢,我買左lust and Caution既dvd 比佢做禮物,佢好驚喜呀,珠珠開心我就開心咖啦~哈哈

第二天既節目就去左赤柱,記得對上一次同珠珠黎已經係一年前啦,現在海濱長廊已經維修好,風景不錯,在海灣裡面重泊左一隻雙體帆船響度.好靚呀!我將來都要有一架!之後再行到去美利樓附近一個古色古香既新碼頭參觀.

晚上我地搭車返去銅鑼灣,先去新華書城睇書,呢度樓高三層,多數都係賣簡體書,我睇得入神,但珠珠好似唔多arm睇咁,真係辛苦佢啦…要陪我. 最後我得到戰利品, Adam smith 既道德情操論同埋國富論,對知識方面..I’m hungry!!

回到時代廣場既大街上,打算陪珠珠食kfc 燒雞大餐,點之係for four..for two 就太飽啦,跟住就去左和民食,等左好耐..差d餓暈我…食左生平第二啖三文魚刺身……珠珠……我真係唔覺得好食…sorry…哈哈…但亦都唔難食0既.

相片後補

聖誕假期

話咁快就又一年!2007年尾真係難忘。

平安夜:go out

同朋友去銅鑼灣樓上pub飲酒作樂迎聖誕,Leo比左包酒筲箕比我,但我自以為酒量好無食到,跟住開始劈啦!!先黎威士忌綠茶1比1,無料到0既,shooter 啦,黎左四五底..得少少wing,無料到wow,bartender 唔該同我黎底最勁既!!哝~掂wo,聞落好似火酒咁0既,唔錯唔錯!大家飲勝…之後再黎long island…訓醒…e..邊度黎咖…吓…律敦治急症室?朋友話我人事不省…佢地好鬼驚,call 3條9送我入黎…

聖誕節:在家

早上好驚咁話比上級聽呢件事…比人訓話左一餐..但係上級好有愛心咁買午餐送黎屋企比我食..真係好感動.睡了一整天..sweetsweet,晚上同珠珠去italian tomato 食聖誕大餐,再四圍行…個頭重係好暈…

boxing day:在大快活早餐中

帆:喂係

同事甲:有乜搞?

帆:食緊早餐囉.

4方通話(同事乙):不如放風箏啦!!

帆: 又好wo!

於是咁就同三個同事去左大坳門,再走上一個小山崗,名叫大嶺峒,開始放起風箏上黎,第一架美國旗…好快就升空,直上雲霄,連 線都好快放盡晒,第二架,第三架升空啦,而小弟架八爪魚亦都放到好高,但係好快就墜機了…執唔返,另一隻美國旗比同事乙既尼龍線割斷了線,墜機.之後同事乙既風箏都墜機了..全軍覆沒.回到大坳門買風箏再放過,好快又全墜機了.轉玩踢毽,一路踢到大陽落山..我發覺d 女同事們硬係手腳唔協調..哈哈,盡興~

相片後補