呢排好忙…因為好專注黎緊既挑戰,識得我既朋友都應該知道我去左考警察。依家無時無刻都背緊警隊d 野.付出究竟係唔係一定有收獲呢?我明白唔係一定,但求無愧於心啦.
中秋節同珠珠去左西九行下,去到除左睇花燈之外就係響沙池同一班小朋友齊齊玩沙,太好玩了~哈哈. 大人們呀 ,全部都係咁放唔開,只係呆響一邊睇住自己d仔女玩, 放鬆d啦香港人,大人一樣可以做下大細路咖姐~之後響西九裡面搵倒個新地方,裡面有d好靚草可以訓響上面,可惜…真係硬左少少.
投資理財已經成為我生活既一部分,最近做左一次減持,但核心組合依然一股都不動,個市日日創新高,真係好悶. 留意下身邊d市井開始玩到個心好雄,重笑巴菲特減持中石油on居tim…..真係笑死我…..好…就睇下邊個可以笑到最後啦.
「Maybe party is over, but people are still dancing.」 and you were one of them. – George Soros
星期日同珠珠出街,睇下佢個新髮型,真係好滿意, 變到好有女人味~哈
我地早上先去睇戲, 又係一個我好喜歡既導演,彭浩翔既出埃及記,故事講有一個女人殺男人既組織既存在…睇到我好驚驚呀..
下午就諗住去尖咀睇忠僕號,點知…去到要等三至四個鐘先入得,oh my god…於是又變左商場之旅啦…再送珠珠返屋企sweet sweet~hehe
睇左曹sir都一段日子,今日又有金句啦,同大家分享一下!
「社會並唔獎賞勤力既人，只獎賞有眼光、有勇氣既人。勇者無懼，做人必須無懼面對失敗（只要唔係一敗塗地）、無懼面對成功（成功都要怕？真咖，90％既 人內心深處係害怕成功）、無懼批評（每個人都會受批評）、無懼貧窮、無懼新科技、無懼學習新事物、無懼感到自己愚蠢、無懼犯錯（只要係小錯而非不可挽回既 大錯）、無懼承擔責任……。你可以咩？只要將恐懼從心裏挖出來拋掉，你已成功一半。」
好認同曹sir 話d 人害怕成功,我識既人當中,好多連自己會發達都唔夠膽諗,一早就固步自封,你話呢d人重點會成功呢~~無人幫倒佢~
同我講