遲來的週記一則

寫返剛過去既一週

星期六陪珠珠去左睇天堂口,幾好睇!劇情係講大上海既摩登時代,兄弟情,愛情,殺人, 真係好吳宇森 ,又加插左一段好似上海灘發哥比人亂槍射死0個part,哈哈,好過癮!劉鏵演技好出色,真係成個痴線佬咁!

星期日下午坐成成架羊仔去左清水灣游水, 唔知係唔係七月十四既關係 ,響一個炎熱既周末,d 車位竟然無爆到, 我地好開心咁游出浮台睇風景, 中途有好多冥通銀行發行既紙幣漂浮響我地既身邊 ,游到大慨五點幾, 洗白白, 然後再坐順風車去join 一早約好左學英文既同學出黎慶功,九個人,開開心心食大餐!!!高興呀~~

週記一則

呢個星期呢,真係駛左好多錢,又要置裝,又買股票,駛左成五位數字….好恐怖既數目.

星期日四人組去左呢度,橫涌石澗.不過是日既天氣真係好差,有煙霞,搞到我氣管有d唔舒服.

跌市

呢個星期,各方朋友既話題都離唔開股市,日日返工牛咁眼睇住個市坐過山車,真係好過癮!!

貫徹我所講,今次跌市,我無嚇倒,反而越見跌就越開心,HA HA!

手中依然持有大部分實力股,然後趁機加注,好多人平時成日話D 股價貴買唔過,依家夠平啦,佢地就話,重有得跌,即係佢地入貨既時機永遠唔會來臨咖啦,對於呢D人我真係幫佢唔倒,佢地都係穩穩陣陣,打死一世工啦,我無咁好氣。

送比大家睇既大時代CAP 圖,真係好搞笑!!

連結一,二,三

聰明女人

看到 瓦萊裡（Valery,P.）這段文章,實在很有意思。

“聰明女子是這樣一種女性，和她在一起時， 你想要多蠢就可以多蠢。”

加上周國平的注解

“我去女人那裡，是為了讓自己的理性休息，可以隨心所欲地蠢一下，放心從她的感性獲得享受和啟發。一個不能使男人感到輕鬆的女人，即使她是聰明的，至少她做得很蠢。”

同我既珠珠一齊既時間,我都好享受咖。

毒男

究竟咩野係毒男呢?睇下以下兩個解釋

Wiki

香港網絡大典

再睇下以下呢個blog,呢個就係正宗既毒男啦!!從人家地blog看到轉貼,入左去睇,真係睇到我爆晒粗呀,佢阿媽生佢出黎簡直係一場災難!其實我身邊有d朋友,佢地真係好有潛質做毒男!今日一貼,我就係想引以為鑑,希望佢地睇左會好自為之啦~我完全出於善意咖!

亞一網誌

中國”拋售美元資產”說引起全球關注

中國”拋售美元資產”說引起全球關注

呢d中國所謂既智庫高層人士,真係好可憐.以為一萬億美金外儲可以搞垮美元…..

佢重唔記得左,中國現在好多產品都重倚賴緊美國幫襯, 美國死左,中國會好咩?太天真…

真係笑到我噴飯…好似d 細路咁.我希望呢單新聞唔係真咖啦.

革命尚未成功,同志仍須努力!

三年零八個月既黑暗日子終於過了,我看到曙光了!!

但這只是第一步,我會繼續努力!!

生日週

剛過去既一個生日週,過得真係好開心!近幾年最開心係今次!!多謝晒各位為我慶祝既朋友們!特別係珠珠~

總括來講,過去既一年自己各方面,包括情場,股票市場都咁得意,妹妹上大學了,重識埋男朋友仔啦,個男仔人品都唔錯,講野有深度,總算係個知識份子,媽咪又有人陪,黎緊希望自己可以轉工啦!做左幾年t.a ,我覺得真係好夠啦,雖然呢份工真係好鬼嘆。

正日有珠珠陪我去海洋公園,對上一次去要數兩年前啦,舊時去都無咁多人既,行得好舒服,不過今次就認真麻麻……

樂樂盈盈真係好得意呀!好活潑!水母館既水母,還有海洋館既海天使,飄下飄下咁響水中飛舞,欣賞既人都覺得好舒服。不過突然傳黎自由行既喧嘩聲,將我從好夢中叫醒…。今次開心既旅程中最大既刺係0個d 自由行,佢地既行為真係令我眼界大開,如果唔比佢地入境,我會好開心!

晚上珠珠同我去左間我好喜歡既食店開餐,好味呀~~之後返屋企sweet sweet!hehe~太幸福啦!

今年既生日願望 : 可以快d有能力唔駛返工,返工實在太浪費時間啦,d 時間我想用黎做d 有意義既事。