呢個星期就去左廣州&番禺既水上樂園玩, 一行六人星期六下午出發,五時多就去到廣州出名既步行街,上下九路啦,呢條街既非常有代表性,就好似香港既旺角、銅鑼灣咁.地方好似唔錯咁,但系d 人就…無教育既,join埋先頭步隊之後就去左間賓館放底行李,入到去…嘩…唔駛住咁cheap 呀?!每人五十蚊,就系住d咁既野啦,其實比一百蚊又如何丫,出黎玩,無謂計咁盡.不過無論如何都應該贊揚一下呢位團友既熱心0既!
放完行李,想睇下d 養眼野啦,可以用蜀中無大將,廖化作先峰黎形容!我地呢個麻甩團都非常之失望,晚上有兩個團友睇戲,咁就分頭行事啦.剩下既我地去左另一條出名步行街北京路,呢度好少少啦,不過都系乏善可陳.之後坐的士去左長堤.開始今晚既高潮!!長堤系廣州既酒bar 、disco 區,我地開始白撞入去disco 裡面,第一間入到去好似大檔咁,黑蚊蚊,煙霧迷漫再加上超大聲既舞曲,我個心仔同腳毛都隨住音樂跳動,嗯…有d養眼野睇!不過音響太大聲,想同朋友仔講句野都要放盡喉嚨,但聲都沙埋對方仍然系聽唔倒…..第二間,聲浪細少少,d人斯文d,不過都系咁迫…迫死人啦!第三間,入到去黑媽媽咁,點解咁多靚仔靚妹0既,原來系k房黎,即走!!第四間,上樓既,非常多養眼野睇,大大既bar 台上有兩條柱,上面有性感既dancer在跳舞搞氣氛,bar台下就有 (non litter)裝束既靚女bar tender, disco中後面有個好型仔既香港dj 在打碟,wow….真系眼界大開,我地四人組打算落腳飲返杯,但系無位,所以都系要走,最後去到一間叫bar country 既地方落腳,呢度既氣氛同頭先既disco 完全唔同, 感覺系好悠閒既,地方非常大,場中間有個歌手拿著結他唱著一些輕快既流行曲,坐底飲兩杯,聽下音樂,好舒服!四個人飲左一打beer,有人飲到連直線都行唔倒咁.哈哈.最後兩時多返到賓館迎接明天既主菜 水上樂園。
星期日早上十時多出發,去飲茶先,出名既蓮香樓!不過d 野食就….
食完野,搭地下鐵去到長隆站,轉巴士去到水上樂園,好興奮呀!!入到場,人山人海,車水馬龍,去到locker 區,從業人員同我的講,locker已經全部借出.有無搞錯?!最後出動到緊急方案,用園方提供既一個大膠筒放入我地既財物,然後有工作人員同我地睇住咁先搞掂.好!!出發去玩第一個刺激項目,大喇叭,開始今日既排隊之旅,我地總共排隊排了兩小時三十多分鐘 就到我地玩啦!!再由大喇叭滾落去,好好玩,全程在十秒內完成!好滿足~第二個項目,大滑板,排左一個鐘左右啦,再響高處滾落去,全程十多秒,好高興!!第三個項目, 急馳競賽,我地六個人齊齊響十層數高,以超人姿勢滑落去,真係驚驚…心仔都跳埋出黎,真係發覺自己越黎越細膽,之後再玩左好多個項目,有幾個嚇到我死死下,嗯…開始怕死左,呢種究竟係唔係成熟既表現呢?由日玩到夜,最後我地晚上九點先離開水上樂園,真係好滿足,排足成日隊!我地坐返地鐵去廣州東站,然後接上一輪極速狂奔趕上最後一班開往深圳的火車,再轉皇崗直通巴返屋企.
同我講