今朝在網上正在找有關價值投資法的課程,竟然比我發現這個好野!!
——————————————————-
呢個course主要內容：
投資: 教導投資的步驟和計劃 ─ 價值投資法、經濟週期論和孫子兵法
向世界頂尖理財專家學習 - 華倫巴菲特(Warren Buffet)及索羅斯(Soros)
教導大家採取穩健的投資策略，強調基本分析和謹慎的選股方法〈以價值投資法 ─ 計算內在價值和安全係數〉，建立強勁的分析力評估經濟走勢，宏觀分析世界趨勢的評估等，並以每年達到10-15%的資產增長為長遠目標〈不強調利潤最大化(Profit maximization)〉
——————————————————
但原來呢個課程係比中小學生讀既…..
本人去到現在呢個年紀先打算學呢d野,如果能夠從小就教曉小朋友以上既野,我諗呢個細路前途一定會無可限量.
如果將來我有仔女,我一定會(的)佢地去上呢個班,多多錢我都肯比!!
下著毛毛雨的這一天,久違了的電影中心,伴著一間kubrick,走著裡頭,漂來一陣咖啡味與書本的氣味,感覺真好!
跟書本們打過招呼後,看看手錶,是時候了；今天來是要欣賞德國電影《竊聽者》。
電影故事講述當時還是共產國家的東德,政府嚴重濫控民眾的言論,閱讀西方雜誌已是違法。在社會裡,秘密警察無處不在。冷面的秘密警察代號HGW上奉命要廿四小時嚴密濫視文化界的一位才子戴文,HGW在不分晝夜的濫視裡,記錄他的一切言論與行為(包括與女友行房),最後果然發現他正計劃要向西方發表一份革命文章。
這時應該向上級匯報的HGW竟然動了人性,不斷地為才子掩飾,偷偷消滅證據, 才子因而逃過一劫。而長時間濫視的無發現,令到HGW因而被調到暗無天日的地窖孤獨地負責低下的分信件工作。
89年,柏林圍牆倒下,秘密警察組織解散。才子在一場合中遇到高官,他問：「為何你們當時不濫視我？」高官答：「你回家去看看你的燈制後面吧！」
在才子的追查後,才知道原來HGW暗自從中幫了一把,最後才子戴文著了一書感謝HGW,這事成為他倆永遠的秘密。
原來自由係咁可貴的!
個人評分：9分(10滿)
決定你係窮人抑或富人有十大標準
(摘自香港信報曹仁超投資者日記)
—————————————————————————————————
1. 自我認知 – 窮人好小諗如何去賺錢及點樣才能賺到錢，好聽d係 “安貧樂道”, 唔好聽d係 “不思進取”‘ ; 反之，富人天生強烈賺錢慾，會想盡一切辦法去致富。
2. 休閒 – 窮人認為 “食小多覺訓”, 寧願花時間睇’Rich dad, poor dad’, 仲要加入韓國熱去食韓菜;富人無興趣睇肥皂劇，只會動腦筋韓國熱中賺一筆。
3. 交際 – 窮人喜歡同窮人做朋友，心理上排斥有錢朋友，唔係有錢朋友剃唔起佢，而係自卑心作怪，結果只研究邊度有廉價套餐，邊間百貨公司大減 價……………; 反之，富人交際往往研究股市點睇，匯市點睇，樓市點睇，邊度有錢搵. 結果窮人只知道邊度有廉價套餐，富人卻知道邊度有錢搵。
4. 學習 – 窮人學手藝，以便一技旁身天下通行; 富人學投資，懂得錢搵錢。
5. 時間 – 窮人認為時間唔值錢，可以跑遍港九新界去買廉價貨慳翻幾十蚊，但浪費了一整天時間; 富人得閒,閒在身體，例如打高爾夫球其實係傾緊生意，腦袋無一分停過；窮人得閒，閒在思想，忙著去麻雀桌摸幾把或研究馬經。
6. 金錢態度 – 窮人經濟觀係節省，勤與儉，慳得一萬就慳一萬，甚至投資亦離唔開 “雞生蛋” 理論。 例如我老曹2002年叫人買金，唔少人回答無息收，佢地估唔到金價三年升值50% (由280美元升至420美元)，而斤斤計較雞會否生蛋。 幾多股份雖然無息派，但一年上升100%， 窮人一聽到無息派已無曬興趣。
7. 激情與感情 – 窮人只有感情，聽完新馬師曾唱’萬惡淫為首’便流淚兼捐錢，感情太豐富兼有代入感，好易受感動; 反之富人卻不易受感動，例如1989年六四事件居然認為滿街鮮血係入市時機。
8. 自信與自卑 – 窮人自卑，有錢便穿名牌戴名錶楂名車才能增加自信，十分介意人家點睇自己。 富人自信而不自卑。 李實發係典型例子，藍色西裝十年如一日，戴精工錶，飲自己公司屈臣氏賣廉價紅酒…………….以前郭得勝又係另一例子，永遠坐日本 車，因為慳油……………呢份自信令佢在光景不佳時唔悲觀，在繁榮期亦只謹慎樂觀； 反之窮人繁榮期亂花錢，衰退期呼天搶地。
9. 習慣 – 有個富人見自己親戚太窮，送一隻牛比佢，窮人滿心歡喜，但諗到牛要食草，結果將隻牛賣左，買隻雞生蛋，一年後富人去探望佢，佢依然故我仍然係窮人一名； 窮人的習慣今朝有酒今朝醉。 原來富人自己年輕時亦無錢，辛辛苦苦儲錢買隻牛，然後到處帶隻牛食草楂奶賣，賺到錢便買羊生羊仔賣錢，然後開農場，最後變得富有。 富人以為送隻牛比親戚可令其發達，但唔明白窮親戚未養成儲蓄與投資習慣，每年送佢一隻亦無法脫貧。
10. 上網 – 窮人上網搵娛樂， 富人上網搵投資機會。 結果窮人越上網越窮，富人愈上網愈富。
———————————————————————————————————————————————————–
我發覺自己原來已經擁有晒成為富人須要有既元素,哈哈~
財務自由指日可待!!
今日呢堂泰拳除左上堂0個個阿sir外,黎多左一個阿sir,佢細細粒粒咁,黑黑實實,見佢響度幫手set場,開頭重以為係場地工友tim,點知…轉頭出黎換左條拳褲,成個tony jaa 咁…
師傅直拳示範時,竟然聽倒有拳風聲咖~~ 我諗緊..呢個阿sir會唔會係泰國黎既師傅呢?!
佢真係好鬼pro,剩係熱身都做到我地死咁滯…
踢腿,直拳,上勾拳,跳步,跳繩,打沙包,拳上壓,sit up(佢要求至少五十下)
上完堂後,竟然玩到我成身汗,真係好玩!!
I like it~~
呢排個人比較懶,無乜上黎扑tim…
自從上星期日馬拉松以來,真係好累,日日都訓唔夠咁.
有個朋友話我同佢初認識我既時候好唔同,我聽完之後有d開心,因為我一直以來都不斷地改變同優化自己,由內而外咁進行,從思想直到行為,好多表象已經唔再能影響我,近半年我彷彿好似行入左另一個世界咁。
呢一切好可能係因為我認識左一個老人家有關,佢就係 老子。
今日上第二堂泰拳,好玩呀!!!
因事前天沒有看直播特首答問大會,昨晚晚上重溫這場世紀之戰,真是笑料連連,看得我津津有味!兩位候選人都充滿幽默感,范太主持大局,加上梁國雄的間場,絕對好睇過林海峰發花顛。
傳媒對袋巾似乎評價甚高,我看則不然。
這場問答大會,格局分明,煲呔正方,袋巾反方,口才固然是律師好,但回答問題的素質還是煲呔勝一籌。煲呔回答問題非常實在,但袋巾卻廢話連篇,態度輕佻,激到煲呔爆血管,搞到煲呔好似阿爸教仔咁!不過我依然好欣賞袋巾,如果無左佢,就無咁好既娛樂節目睇啦!
如果二零零八有普選,我會投煲呔一票!
同我講