返黎都咁多日,講返新年假期發生既事先,呢個咁長既假同女友返到內地行左一轉,先後去過深圳、廣州、南海、江門.
第一天深圳：
響蛇口附近一個渡假村青青世界玩,住獨立歐陸式木屋,環境相當之唔錯,空氣清新,第二朝都係比雀仔叫醒既.
第二日廣州：
由蛇口搭公車,轉深圳地鐵,轉火車,再轉廣州地鐵,前後三小時,終於去到廣州,坐車坐到頭昏腦脹.廣州呢個地方…簡直係罪惡之城,d人連基本既道德都係無既,空氣又差…真係唔想再經過呢個地方,親戚揸車接我地去南海拜年,大家族齊齊食團年飯,食左好多二手煙,又飲左幾杯茅台,搞到腳步浮浮.晚上同兄弟姊妹們去一間好大既k場唱k,價錢都幾貴,差d就去埋disco.
第三日江門：
一早飲完茶,跟住搭車去江門lu,好一個文明既城市呀!好少人食煙,市容又好,settle down 後到附近既大學行左轉,騎單車載著女友走,踩到腳都痛.
第四日深圳、香港
一早就去左東湖公園晨運,捎住auntie 極重既幾瓶蜜糖黎行,辛苦死…
下午三時多坐直通巴返深圳,去到深圳時,原來個司機係唔識路既,結果浪費左好多時間,接近3個鐘先到羅湖,唉..
行程非常緊密,跟女友既媽媽分手後,接下來就要去深圳書城啦!!
我地響羅湖地鐵站寄存左d行李先,兩手空空好休閒咁去行書城,正當要開始睇書既時候,收倒消息..媽媽炒單車入左院,心情即刻一沉…無晒feel行街啦…
食過野,草草咁行左轉就走,下次再黎啦!
同我講